COP22 المغرب يتسلم رسميا رئاسة مؤتمر

COP22 المغرب يتسلم رسميا رئاسة مؤتمر

تسلم المغرب رسميا، هاد الصباح، رئاسة الدورة الثانية والعشرون لمؤتمر المناخ COP22، من طرف سيغولين رويال، رئيسة مؤتمر COP21، فالجلسة الافتتاحية للمؤتمر فمراكش، وبالضبط فالمنطقة الزرقاء لباب إغلي.

وفالكلمة الافتتاحية ديالو، قال صلاح الدين مزوار، رئيس مؤتمر COP22، بلي المغرب وفّر جميع الإمكانيات باش يضمن أحسن الظروف، وباش يكون فمستوى هاد الحدث العالمي، وأكد مزوار باللي خص جميع الأطراف تتحد باش تلبي احتياجات الفئات الأكثر هشاشة، وتوفر ليهم وسائل التكيف مع العواقب ديال التغيرات المناخية.

واعتبر المتحدث فالجلسة الافتتاحية اللي كان حاضر فيها مجموعة من الشخصيات، منهم باتريسيا اسبينوزا، السكرتيرة التنفيذية للاتفاقية الإطار للمناخ، ومحمد العربي بلقايد، عمدة مراكش، أنه إذا كانت باريس أعطت للعالم اتفاق مُلزم للحكومات، فمراكش كتدشن جولة جديدة كتستوعب جميع الأطراف من أجل العمل.